Kryeministri Edi Rama ka reaguar pas deklaratave të Presidentit Ilir Meta.
Pak ditë më parë, nga foltorja e Kuvendit, Rama akuzoi se Presidenti Ilir Meta ka kontakte me subjekte të OFL-së. Këtë të Premte, në një reagim në rrjetet sociale, Meta i bëri apel Ramës që të vërtetojë me fakte akuzat. “Nëse nuk e bën këtë gjatë punimeve të Asamblesë së Partisë Socialiste, jam i detyruar të merrem çdo ditë me të dhe t’u faktoj shqiptarëve lidhjet e tij të tmerrshme me botën e krimit, dëmet ndaj çështjes kombëtare, dhe nuk do t’i ndahem derisa ta përzemë së bashku edhe nga Partia Socialiste”, paralajmëroi kreu i shtetit.
Në reagimin e tij përmes një postimi në Twitter, Rama shprehet:
Ilir çfarë borxhi të ka Shqipëria që të bëri kryeministër, kryeparlamentar, president dhe duhet të durojë shkallimet e tua të përditshme, që sekëlldisin jo veç të gjallët, po edhe të rënët për liri të këtij vendi, të cilëve u je qepur me dekoratat e me fjalimet e tua qesharake!
