Trupat e dy prej personave të denoncuar të zhdukur ditën e shtunë nga familjarë, në Komisariatin e Policisë Malësi e Madhe, janë gjetur.
Burime policore bënë me dije se janë gjetur në fshatin Rrenc, trupat e pajetë të Vilson Çutajt, 37 vjeç dhe Klement Pepajt, 21 vjeç, kushërinj me njeri-tjetrin.
Ata dyshohet se janë ekzekutuar me armë zjarri nga personi i tretë që rezulton i zhdukur Danjel Pepaj, 25 vjeç.
Dyshimet e policisë janë se ky i fundit është dhunuar nga Vilson Çutaj dhe Klement Pepaj, pas një konflikti për kanabisin.
Një ditë më pas, dyshohet se Danjel Pepaj i ka ekzekutuar të dy dhe më pas është larguar drejt Malit të Zi në mënyrë ilegale.
