Partizani është duke zhvilluar përgatitjet për nisjen e sezonit të ri. Te të kuqtë shqetëson gjendja e Melo Cordeiro, me brazilianin që ka kryer tamponin për Covid-19.
Mesfushori ka marrë përgjigjen dhe ka rezultuar negativ. Sipas shtypit të shkruar, lojtari ka kaluar vetëm një virozë stinore.
“Demat” kanë disa probleme me dëmtimet, teksa stërvitje të diferencuar kanë zhvilluar Hakaj dhe Franc Marinaj. Edhe Cardosso me Brown nuk janë në formë, teksa Alban Hoxha është i grumbulluar me Kombëtaren.
