Një automjet në pronësi të një firme private në Pogradec është përfshirë nga flakët. Ngjarja ka ndodhur rreth orës 04:30, në lagjen nr. 3, ndërsa mjeti tip “BMW X6”, ishte i parkuar.
Burime bëjnë me dije se mjeti i djegur është në pronësi të biznesmenit Alfred Cenkollari, pronar i disa bizneseve dhe një restoranti në Pogradec. Dyshimet e para janë për zjarrvënie të qëllinshme, ndërkohë që hetimet për ngjarjen vijojnë.
Njoftimi
Pogradec/Informacion paraprak
Më datë 07.10.2020, rreth orës 04:30, në lagjen nr. 3, ka rënë zjarr në mjetin e parkuar tip “BMW X6”, në pronësi të një firme private.
Grupi hetimor po punon për zbardhjen e rrethanave të ngjarjes dhe përcaktimin e shkaqeve të rënies së zjarrit.
