Krimi që goditi familjen Lila në Ndroq mësohet se si pasojë e plumbit të çiftes ka gjetur vdekjen gruaja e autorit dhe jo kunata.
Më herët u raportua me anë të njoftimit për shtyp nga policia se Kasëm Lila qëlloi me çifte gruan e kunatën, për pasojë kjo e fundit gjeti vdekjen. Në fakt ajo qe ka humbur jetën është gruaja e autorit të krimit dhe jo kunata.
Autori përdori një armë gjahu për krimin që ndodhi brenda në banesë. Ndërkohë është arrestuar autori i krimit, si edhe është sekuestruar arma e gjahut.
Ai pritet që të merret në pyetje nga Policia. Policia thotë se autori është Kasem Lila 57vjeçar dhe se dyshohet se ai prej kohësh ka vuajtur nga depresioni. Ai ishte operuar nga nje tumor ne tru se fundmi.
DINAMIKA
Burime brenda grupit të hetimit, thonë për “Panorama.al” se Kasem Lila ka dashur që të vrasë gruan pas një konflikti mes tyre. Kështu, ai ka marrë armën e gjahur dhe ka qëlluar mbi gruan e tij. Mirëpo, kunata ka dashur që të mbrojë gruan dhe i ka dalë përpara. Kështu, F. Lila ka marrë plagë të rënda në trup, por plumbat kanë kapur edhe bashkëshorten e autorit, Afize Lila, që ka humbur jetën.
