Ministri i Drejtësisë së Kosovës, Selim Selimi ka liruar nga posti i këshilltarit, Enis Qerkën që ishte arrestuar pasi u kap me 113 kilogramë drogë.
Selimi ka shkruar në FB se këtë veprim e ka marrë pas raportimit të sotëm të mediave:
“Sot në mëngjes pas raportimit të mediave, kam liruar nga detyra Enis Qerkën”.
Enis Qerka u bë i njohur për opinion publik në Kosovë, kur u arrestua në kufirin Kosovë-Maqedoni me dyshimin se ishte i përfshirë në trafikimin e 113 kilogramëve heroinë, në dhjetor 2018.
Enis Qerka punonte në Byronë Kosovare të Sigurimeve të udhëhequr nga vëllai i presidentit Hashim Thaçi, Gani Thaçi në momentin kur u kap nga policia.
