Ish-deputeti demokrat, Enkeled Alibeaj, e ka cilësuar një shkelje të konsensusit të 5 qershorit por edhe mashtrim të ndërkombëtarëve votimin e njëanëshëm të ndryshimeve në kodin zgjedhor.
Në një lidhje me emisionin ‘Opinion’ Alibeaj tha se Rama mashtroi shqiptarët, por shkeli rëndë edhe një nga kushtet e BE për hapjen e negociatave, që ishte: për çdo ndryshim, duhet konsensus.
‘Ajo çfarë donte të arrinte Rama nga fillimi deri në fund ishte heqja e koalicioneve.Mënyra se si e arriti, mashtroi opozitën parlamentare (ata i ka të vetët), mashtroi ndërkombëtarët. U shkelën Kushtet e BE dhe të Bundestagut, që thoshun vetëm me konsensus mund të vijohet për hapjen e negociatave’, tha Alibeaj.
