Analisti Enton Abileka dhe përfaqësuesi i PS në Këshillin Politik, Damian Gjiknuri, u “përplasën” sot në studion e “Open”, ndërsa po diskutonin rreth miratimit të ndryshimeve në Kodin Zgjedhor.
Gjiknuri tha se ndryshimet e miratuara, nuk prekin marrëveshjen e 5 qershorit, ndërsa Abileka iu drejtua duke i thënë se “ti mund ta shpallësh edhe Ramën mbret e të thuash është shtesë, nuk prek marrëveshjen”.
Ai akuzoi më pas Gjiknurin dhe maxhorancën se po “gënjejnë pafytyrësisht”
Debati:
Abileka: Pse e ndryshuat Kushtetutën?
Gjiknuri: Sepse u pa nevoja dhe ishte pjesë kompromisit për të hapur listat, ku të gjitha palët u shprehën dakord.
Abileka: Bëni marrëveshje me katër pika me opozitën parlamentare, e ndryshuat pas kësaj marrëveshje, i jeni mbajtur?
Gjiknuri: Po
Abileka: Po opozita bllokoi foltoren sot, ishte kudër këtyre
Gjiknuri: U vendos parimi i hapjes së listave
Abileka: Opozita parlamentare ju solli projektin
Gjiknuri: Ulëm pragun, donin hapjen e listave
Abileka: Nuk e morët parasysh projektin, se nuk mund të gënjejnë paftyrësisht, është turp
Gjiknuri: U vendos parimi i hapjes së listave
Abileka: Opozita parlamentare ju soli projektligjin, pse nuk e morët parasysh? Po mashtroni
