Një sasi prej 8 000 paund dhe një automjet është sekuestruar nga policia e Beratit. Një 35-vjeçar, poseduesi i shumës monetare, është proceduar penalisht.
Policia njoftoi se, gjatë kontrollit të ushtruar në mjetin me drejtues shtetasin F.D., u gjetën 8000 paund, të cilat u sekuestruan në cilësinë e provës materiale.
Në përfundim të veprimeve të para të kryera nga specialistët e Seksionit të Hetimit të Krimit Ekonomik e Financiar në DVP Berat, u procedua penalisht shtetasi F. D., për veprën penale “Pastrim i produkteve të veprës penale ose veprimtarisë kriminale”, shtuan të njëjtat burime.
