Partia Socialiste ka hapur një platformë online për anëtarët e Partisë Socialiste për të vlerësuar emrat për kandidatë për deputetë.
Platorma e re interaktive e Partisë Socialiste on-line, do t’i japë akses anëtarësisë për t’u dëgjuar në vlerësimin e përfaqësuesve të kësaj partie në Kuvend.
Kryeministri, njëherësh edhe Kryetar i PS, Edi Rama, u shpreh se brenda vitit do të përpilohet lista e kandidatëve për deputetë.
“Dua të ftoj të gjithë anëtarët e Partisë Socialiste të përfshihen në këtë proces”, tha ai.
Rama tha se vendimi për hapjen e listave ka ndryshuar rrënjësisht mënyrën për kandidatët për deputetë.
“Ky vlerësim do të na ndihmojë shumë në procesin e ndërtimit të skuadrës, që do të fitojë betejën zgjedhore të pranverës së ardhshme.
I ftoj të gjithë pjesëtarët e kësaj familjeje të madhe të pajisen me çelësin e personalizuar të hyrjes në platformë dhe të thonë fjalën e tyre.
Sot kemi një skuadër me 74 deputetë dhe me lista të mbyllura, vëmendja kryesore ka qenë tek emrat potencialisht fitues dhe më pas në listë ne përpiqeshim të promovonim emra të tjera dhe e dinim që nuk ishin të zgjedhshëm për të hyrë në Kuvend.
Sot, kjo ndryshon rrënjësisht. Është shumë e rëndësishme që të bëjmë vlerësimin e deputetëve aktualë. Jo thjesht një vlerësim nga qendra apo Tirana por se si njerëzit atje i shohin. Kjo do të na ndihmojë për të pasur shumë më tepër vetëdije për çdo anëtar të Partisë Socialiste”, tha kryeministri Edi Rama, njëkohësisht kyretar i PS.
