Presidenti Ilir Meta i është rikthyer temës së largimit të shqiptarëve nga Atdheu.
Në një postim në FB, ai shpërndan një fjalim të mbajtur lidhur me çështjen ku mes të tjerash, shprehet se migrimi në përgjithësi, i të rinjve dhe intelektualëve në veçanti, po merr gjithnjë e më shumë tiparet e largimit masiv të trurit, kostoja e të cilit mund të jetë fatale për vendin dhe kombin në të ardhmen.
“Duhet një reflektim nga e gjithë klasa politike dhe shoqëria jonë, për t’i thënë ndal shpopullimit të Shqipërisë, rikthimit të besimit në radhë të parë tek të rinjtë dhe të rejat për të ardhmen europiane të vendit tonë”, shtoi Meta.
