Kryeministri Edi Rama ka reaguar ndaj deklaratave të presidentit Ilir Meta i cili e akuzoi Ramën se po e zhyt Shqipërinë në borxhe pasi shumë investitorë e kanë çuar Shqipërinë në Arbitrazh, për shkak të veprimeve arbitrare të zyrtarëve në Shqipërisë.
I pytur nga gazetarër në konferencën për mediat në takimin me qeverinë e Kosovës, Rama tha:
“Siç nuk flas dot për njërin nuk flas dot as për tjetrin në prani të mikut që na nderon sot, por në emër të fakteve dhe kjo nuk është për autorin e akuzës por për ju. Ka disa kohë që është ngulur në opinion ideja që kemi humbur në arbitrazhe.
Madje një pjesë besojnë që ne kemi paguar edhe paratë, po ju çfarë bëni? Pse nuk shikoni a është e vërtetë kjo, sepse proceset mbarojnë kur mbarojnë jo kur janë në mes. Deri më sot kur flasim nuk kemi ne asnjë proces në arbitrazh të përfunduar ku ne të kemi humbur.
Kemi skuadra të përbashkëta të Avokaturës së Shtetit me ndërkombëtarë që punojnë për ti zbrapsur këto vendime që janë të natyrës paraprake. Mirë ata që e kanë detyrë që të mos ia kërrcasin kokoshkës, por të paktën ju të bëni verifikime që të mos mbytet populli në dhumin e gjysmë të vërtetave të cilat janë gënjeshtra më të mëdha.
Kemi fituar në arbitrazhe, por nuk kemi humbur asnjë, dhe vazhdojnë përpjekjet në rrugë legale për ti zbrapsur. Ka dhe një ligj të detyrueshëm që nuk duhet të bëj koment sepse konsiderohet shkelje e procesit të rregullit gjyqësor. “
