Greqia dhe Turqia duket se kanë ulur tensionet mes tyre. Për këtë ka pasur një reagim nga NATO, ku konfirmohet pikërisht qetësia në Mesdhe.
“Pas një sërë takimesh teknike midis përfaqësuesve ushtarakë të Greqisë dhe Turqisë në Selinë e NATO-s në Bruksel, erdhi deri te krijimi i një mekanizmi dypalësh ushtarak”, tha NATO-ja përmes një deklarate.
Kreu i Aleancës, Jens Stoltenberg, falenderoi të dyja palët për “angazhimin e tyre konstruktiv”.
Njoftimi i erdhi ndërsa udhëheqësit e Bashkimit Evropian filluan bisedimet në kuadër të një samiti mbi marrëdhëniet e tyre me Turqinë.
Turqia ka shprehur dëshirë për t’u bashkuar me BE-në gjatë pesë dekadave të fundit, por analistët thonë se numri në rritje i mosmarrëveshjeve midis Erdoganit dhe udhëheqësve të bllokut i ka zbehur këto perspektiva.
