Nusret Gokçe, shefi më i famshëm i kuzhinës, duket se është përfshirë në disa telashe së fundmi. Në 18 shtator ai hapi një restorat të ri në Boston, i cili është mbyllur pak ditë më vonë për shkak të mosrespektimit të rregullave kryesore të koronavirusit.
Pas një kontrolli u vu re se punonjësit e tij nuk mbanin maska në restorant dhe se nuk ishte respektuar distanca fizike mes klientëve.
Restoranti ishte hapur pa leje shëndetësore dhe nuk kishte prova të një menaxheri për sigurinë e ushqimit.
Kujtojmë se Nusret është bërë shumë i njohur në rrjet në vitin 2017-të, kur një video e tij duke prerë e kriposur mishin në mënyrë shumë të veçantë u bë virale në rrjetet sociale. Imazhet e tij u ndanë me shpejtësi duke u kthyer kështu menjëherë në meme.
