Kuzhinieri i njohur, Nusret ka publikuar në adresën e tij në Instagram faturën e një klienti që arrinte një total prej 161,423 euro.
I famshëm për biftekët e tij me fletë ari dhe pozën e spërkatur me kripë, Nusreti u kritikua në Instagram nga komentuesit duke e quajtur çmimin “të çmendur” dhe “egoist”.
Fatura ishte nga restoranti “Salt Bae’s Nusr-Et Steakhouse” në Abu Dhabi, me 14 të ftuar që paguanin 615,065 dirhem (161,423 euro), që do të thotë se kushtonte 43,933 dirhem (11,527 euro) për person, shkruan Daily Mail.
Nusret Gökçe, pagoi 2059 £ për dy biftekë Stambolli të mbuluara me fletë ari, 1255 £ për dy biftekë ‘osmanë’ të artë, 1027 £ për dy biftekë ari dhe një tjetër 891 £ për 11 biftekë me fileto viçi.
Por darkat nuk kishin mbaruar aty. Ata shpenzuan gjithashtu 273 £ për pesë porcione karpacio viçi, një meze me mish të papërpunuar të prerë hollë dhe 73 £ për katër qepë të lulëzuara.
Vetëm për katër porcione patate të skuqura, kuzhinieri ndikues ngarkoi 41 £ dhe 1,335 £ për bakllavanë të mbuluar me ar.
Salt Bae postoi foton e faturës në Instagram, dhe 49 milionë ndjekësve të tij, me mbishkrimin: “Cilësia asnjëherë e shtrenjtë #saltbae #saltlife #kripë”.
Menjëherë pas kësaj, Salt Bae mori një breshëri kritikash nga përdoruesit e tjerë të mediave sociale, me më shumë se 597,000 pëlqime dhe 26,500 komente, shumë prej tyre të neveritur nga fatura.
