Testi kishte rezultuar pozitiv me COVID-19, por kjo nuk e ka penguar taksistin e papërgjegjshëm nga Saranda që të marrë në bord dy persona dhe të tentojë të kalojë kufirin drejt Greqisë.
60-vjeçari i identifikuar me inicialet S.C u kap në pikën e kalimit kufitar në Kakavijë nga Inspektori i ISHSH. Taksisti paraqiti testin e COVID, një kusht i domosdoshëm për të kaluar kufirin drejt Greqisë, ku rezultoi se ishte pozitiv.
Menjëherë policia e ka shoqëruar atë drejt Sarandës për t’u karantinuar në shtëpi, ndërkohë që është gjobitur me 700 mijë lekë. Kjo nuk është hera e parë që në pikën e kalimit kufitar kapen persona me COVID, të cilët pavarësisht kësaj, nuk janë izoluar, por kanë lëvizur lirshëm duke u shndërruar në një rrezik serioz për shëndetin e qytetarëve.
