Reperi Fero i ka befasuar fansat me vendimin e tij të fundit. Në një intervistë për mediat kosovare, ai ka thënë se ka hequr dorë nga muzika, ndërsa më herët kishte mbyllur edhe rrjetet sociale.
“Jam larguar nga rrjetet sociale sepse kam hequr dorë nga muzika”, tha ai për Insajderin.
Reperi nuk ka dhënë përgjigje nëse është larguar nga muzika përkohësisht apo përgjithmonë, e as nuk dha arsyet se pse e ka marrë këtë vendim.
Megjithatë ai nuk mund të largohet plotësisht nga muzika, pasi tashmë është CEO i labelit “Gang Gang Entertainment”, ku po punon me ekipin e tij për të nxjerrë në skenë artistë të rinj.
