Këngëtarja Fjolla Morina vendosi që ditën e djeshme të bëjë reagimin e parë publik që pas arrestimit të saj në datën 19 shtator.
Kujtojmë që Fjolla u arrestua në pikën kufitare të Morinës pasi në i’u gjetën dy pistoleta, njëra çakmak dhe tjetra tip “Zoraki” me 23 fishekë luftarakë. Ditën e martë asaj ju dha vendimi nga Gjykata e Kukësit masa me arrest shtëpie dhe për 30 ditë ajo është e detyruar të qëndrojë në qytetin e Kukësit.
Në reagimin e saj të bërë në “Instagram” Fjolla ka kritikuar mediat që sipas saj kanë përfshirë edhe dy personat që e shoqëronin këngëtaren gjatë udhëtimit.
“E kuptoj mjaft mirë që të jesh person publik çdo gjë do të hiperbolizohet por deri në një farë pike të gjithë në këtë jetë nuk jemi të pagabueshëm e ju që drejtoni gishtin nga unë, bëni mirë të numëroni gabimet tuaja nganjëherë. Çfarë s’kam lexuar këto ditë për vetën time! Gjëra që dhe unë s’i dija, por të shkruani me emër e mbiemër dikë i cili nuk ka asnjë lidhje intime me mua kjo është keqdashje e pastër. Po shkatërroni familjen e një njeriu i cili nuk e meriton këtë “show”. Po shkruani gjëra të paqenë dhe po lëndoni një familje e fëmije. Fajet e mia i marr vet mbi sup, ama ligësinë për pak para klikimesh nuk e kuptoj. Mos fusni në valle njerëz familjare!”- ka shkruar ajo.
Në mbështetje të saj ka ardhur këngëtari dhe ish-deputeti Labinot Tahiri, duke thënë se opinion publik po ushtron presion mbi këngëtaren në këto kohë të vështira për të.
“E përkrah këtë shkrim të një vajze, nenë e njeri që punon për t’i rritur fëmijët e saj, që kush si ajo s’i do! Pa qenë nën lëkurën e dikujt, nuk bën të paragjykoni. Fjolla Zotin ke afër vetes gjithmonë sepse ke fëmijët. E për fjalët dhe për ne mos e lodh veten”- shkruan Labri krah postimit të ripostuar të këngëtares në llogarinë e tij në Instagram.
