Reshjet e shiut që ranë me intensitet të lartë gjatë natës, kanë sjellë përmbytje të kryeqytetit. Shumë rrugë kryesore në Tiranë janë mbuluar nga uji, duke e bërë të vështirë e madje edhe të pamundur qarkullimin e mjeteve.
Pamjet tregojnë gjendjen e disa prej rrugove kryesore në Tiranë, si ajo e “Elbasanit”, “Rruga e Kavajës”, Rruga e Durrësit”, “Don Bosco”, “Myslym Shyri”, “Rruga e Barikadave”, etj.
Era e fortë ndërkohë ka sjellë dhe dëmtim të pemëve.
Pavarësisht se kjo ka qenë një situatë e paralajmëruar, duket se autoritetet e mirëmbajtjes së rrugëve në Tiranë, kanë qenë të papërgatitura për përballimin e kësaj situate.
Situata është shfaqur më e normalizuar orët e mëngjesit, me ndalimin e reshjeve. Megjithatë, Tirana vijon të vuajë problematikën e përmbytjeve të rrugëve kur ka reshje.
Gjatë ditës së djeshme, Agjencia Kombëtare e Mbrojtjes Civile u bëri një zyrtare 5 prefekturave në vend për situatën pritet të shkaktohet nga moti i keq.
AKMC, agjencia në varësi të Ministrisë së Mbrojtjes, konkretisht u ka bërë shkresë prefekturave Shkodër, Lezhë, Fier, Vlorë, Gjirokastër. AKMC shpjegon se sipas IGJEUM, në veri perëndim dhe jug të vendit priten stuhi dhe reshje të mëdha shiu. Zonat që rrezikojnë të preken më shumë janë Shkodra, Dibra, Malësia e Madhe dhe Kruja. Reshjet e shiut dhe stuhitë mund të bëhen shkak për përmbytje në disa prefektura në dy ditët në vijim.
AKMC apel prefekturave për masa të menjëhershme parandaluese dhe vënien në gatishmëri të strukturave operacionale.
Moti i keq ndërkohë, ka sjellë probleme dhe në zona të tjera të vendit.
Lexo edhe:
Rënie gurësh te ‘Kthesat e Murrashit’, pa energji disa zona në Elbasan e Librazhd
