Tirana dhe Dinamo zhvilluan një ndeshje miqësore mes tyre pasditen e djeshme në “Selman Stërmasi”. Takimi u mbyll me fitoren 2-1 të bardhebluve.
Golat e fitores për Tiranën u shënuan nga Marsel Ismajlgeci dhe Ernest Muçi. Mbrojtësi i djathtë zhbllokoi shifrat dy minuta para fundit të fraksionit të parë, teksa sulmuesi i talentuar dyfishoi në shtesa, pas një driblimi në zonë dhe një goditje të saktë. Trajnerët kryen disa zëvendësime në pjesën e dytë.
Dinamo reagoi dhe gjeti golin në minutën e 85-t. Italiani Damiano Pontrelli ishte autori i golit. Sulmuesi shfrytëzoi një asist të Almeidës dhe dërgoi topin në rrjetë.
Përfundimisht 2-1 për Tiranën, që vazhdon përgatitjet për duelin ndaj Young Boys në Europa League (1 tetor, 20:30).
