Tre udhëheqës europianë, kryeministrat e Republikës Çeke, Hungarisë dhe Polonisë, vunë në pikëpyetje sot strategjinë e shumëpritur të migrimit, të paraqitur dje nga Komisioni Europian.
“Toni i propozimit është më i mirë, por ai nuk shkon më larg”, pranoi Orban.
“Qasja themelore është akoma e njëjtë, sepse ata duan të menaxhojnë migracionin dhe jo t’i ndalin migrantët. Pozicioni hungarez: Ndaloni migrantët”, theksoi ai.
Nga ana e tij, kryeministri polak, Mateusz Morawiecki i bëri jehonë këtij vlerësimi dhe bëri thirrje për politika rigoroze të kufirit.
Sistemi i ri i migracionit i propozuar nga KE parashikon një proces shqyrtimi para hyrjes për azilkërkuesit dhe një mekanizëm të detyrueshëm solidariteti, që i detyron vendet e BE-së të ndihmojnë shtetet në luftë në kohë krize.
