Detaje të reja bëhen me dije lidhur me ngjarjen në Elbasan, ku një person po bën rezistencë ndaj policisë, madje ka qëlluar edhe me armë zjarri ndaj tyre.
Autori është identifikuar si Lefter Zhidru, ndërsa nga të shtënat janë plagosur dy të rinj, të cilët ndodhen jashtë rrezikut për jetën.
Burime zyrtare nga policia bënë me dije se rreth orës 13:20, në lagjen “11 Nëntori”, shtetasja F.Zh., ka patur një konflikt me bashkëshortin e saj, shtetasin Lefter Zhidru, 71 vjeç, i cili në momentin që ka shkuar Policia është futur në banesë dhe ka qëlluar dhe vijon të qëllojë me armë zjarri kallash në drejtim të forcave të Policisë.
Forcat Shqiponja dhe Patrullat e Përgjithshme janë pozicionuar dhe kanë vendosur perimetrin e sigurisë dhe vijojnë t’i bëjnë thirrje këtij shtetasi të dorëzohet, i cili vijon të bëjë rezistencë duke qëlluar vazhdimisht në drejtim të Policisë.
Si pasojë e të shtënave, janë plagosur jashtë rrezikut për jetën dy shtetas, Ledio Soraci 22 vjec dhe Adenour Konaxhiu 21 vjeç, 21 vjeç, kalimtarë të rastit, në momentin që ky shtetas ka filluar të qëllonte me armë në drejtim të Policisë.
https://www.facebook.com/boldnews.al/videos/630453724339823/?__xts__[0]=68.ARAJCzEekgYNsdSVmfPXErjpiiDC0IktDftfzIwQWmDmJ4b62u54S8pmDFUFxq3Z-V-Ix3LjR-MhfGS7M_TxaW0bvTCY6UzHCqWaDD3aOMPwzLJzvnUYXGSBno66yJPVpPVXzFVnYa2CngJxLYLaoLMUVKic4LNe8W9bgzZK3sy9w1lQQ8Jzaun73nxRe0xWeWM3_uqOS0HVcps28IxfuWURbflRcDrt1ITc5ebQQyieHdBZ1fAcEhI9Glc_IAeZxji3NK5DqyZql7ehwP2xZ2k2YElMY0xh3W6IQukxx7AhRBG6ETpg8mYaE7mfLTJVuRJHd-haMTKNBOGPN6hmD1g6MikuQvfwfsvYGwp6&__tn__=-R
Në ndihmë të Policisë lokale janë nisur menjëherë forcat e FNSH dhe të RENEA-s, për të bërë neutralizimin dhe kapjen e shtetasit që vijon të qëllojë me armë në drejtim të Policisë edhe pas thirrjeve të pandërprera të Policisë për tu dorëzuar.
Banesa nga e cila po qëllon ky shtetas është e rrethuar dhe Policia ka vendosur një perimetër të gjerë rrethimi, për të parandaluar dëmtimin e kalimtarëve të tjerë të rastit.
