Agne Simonson, një sulmues që ka shënuar për Suedinë në finalen e botërorit në vitin 1958 ka ndërruar jetë në moshën 84-vjeçare. Lajmin e konfirmoi federata suedeze e futbollit, por pa bërë të ditur shkaqet e vdekjes.
Simonson shënoi golin e dytë të Suedisë në humbjen që kombëtarja e tij mori ndaj Brazilit 5-2 në finalen e Kupës së Botës të vitit 1958.
Në atë ndeshje shënoi edhe Pele, dy gola. Simonson ka bërë 51 paraqitje për Suedinë, ku ka shënuar 27 gola përfshirë katër gola në botërorin e 1958. /panoramasport
