Presidenti Ilir Meta u ka bërë thirrje sërish aktorëve politike që ti qëndrojnë strikt marrëveshjes së 5 qershorit për reformën zgjedhore.
Teksa ka publikuar një grafik me renditjen e Shqipërisë përkrah vendeve të konfliktit për numrin e azilkërkuesve në vendet e BE, Meta thotë se Shqipëria nuk e meriton të renditet midis këtyre vendeve!
“Shqipëria meriton vetëm të ardhme europiane!Mjaft me Drejtimin e Gabuar të autoritarizmit, arrogancës, korrupsionit dhe marrëzisë, që po i varfëron dhe po i lodh kaq shumë shqiptarët, duke i detyruar të largohen nga vendi.Hapi i parë për rikthimin në Drejtimin e Duhur është respektimi pikë për pikë i Marrëveshjes së 5 Qershorit dhe mos devijimi prej saj as një milimetër”, shkruan Meta në një reagim në rrjetet sociale.
Meta apelon që tu rikthehet shpresa qytetarëve, duke e rikthyer sovranitetin në duart e popullit me hapjen e listave 100% dhe plotësimin e të gjitha kushteve të BE.
Klasa politike mbetet akoma e ndarë për çështjen e hapjes së listave dhe koalicionet parazgjedhore. Ndërkohë, mazhoranca nga ana tjetër është e vendosur për të shtyrë përpara këtë proces sipas propozimeve të saj, edhe pa konsensusin e opozitës jashtëparlamentare.
https://www.facebook.com/ilirmetazyrtar/posts/3376595142386735
