Ish-deputetja demokrate Albana Vokshi shprehet se drejtuesit e institucioneve arsimore, të cilët fshehin rastet me Covid, duhet të mbajnë përgjegjësi penale.
“Ditët e para të vitit të ri shkollor, janë denoncuar raste drejtuesish të institucioneve arsimore, që me militantizëm ekstrem mundohen të fshehin rastet e COVID19 në institucionet që ata drejtojnë duke rrezikuar shëndetin dhe jetën e mësuesve, nxënësve dhe familjarëve të tyre”, shkruan Vokshi në një postim në rrjetet sociale.
“Çdo drejtues institucioni arsimor që fsheh rastet e COVID-19 duhet të jetë subjekt i Kodit Penal, ndryshimet e fundit të të cilit dënojnë përhapjen me dashje e COVID-19 nga 2 deri në 5 vite. Dënimi është më rëndë deri në 8 vite kur përhapja me dashje e virusit shkakton pasoja të rënda për shëndetin ose është rrezikshme për jetën e njerëzve”, shton ajo.
