Denver Nuggets kanë fituar përballjen e tretë ndaj Los Angeles Lakers duke e ngushtuar serinë në 2-1.
Rezultati përfundimtar I takimit ishte 114-106 dhe vendimtar për skuadrën nga Colorado ishte Jamal Murray me 28 pikë, 8 “rebound” dhe 12 asistime, ndërsa Nikola Jokic dha ndihmën e tij me 22 pikë, 10 rikuperime e 5 asistime, pa harruar 26 pikët e Jerami Grant, i cili i hapi shumë probleme gjatë gjithë takimit skuadrës kaliforniane.
Lakers-ave nuk u mjaftoi “triple double” i LeBron James, me një nga basketbollistët më të mirë të historisë së NBA-së që e mbylli ndeshjen me 30 pikë, 10 “rebound” dhe 11 asistime.
Pas një periode të parë të ekuilibruar, Nuggets morën epërsinë në 12-minutëshin e dytë, duke shkuar deri +18 pikë në mesin e saj. Për skuadrën nga Colorado dhanë kontribut të madh nga stoli Monte Morris dhe Michael Porter Jr.
Denver është kthyer kështu në një skuadër mjaft problematike për favoritët teksa pasi eliminuan Los Angeles Clippers me përmbysje të njëjtën gjë synon edhe ndaj Lakers.
