Bashkia e Konispolit është përfshirë nga reshjet e breshërit, madhësia e të cilit ishte sa një top ping-pongu. Si pasojë e reshjeve janë dëmtuar pemët, thotë kryetari i bashkisë, Shuaip Beqiri.
Nga verifikimi paraprak në terren nga grupet e punës vërehet se 30 për qind e prodhimit në agrume, mandarina e portokalle është dëmtuar, ndërkohë që dëmtimi tek ullinjtë është edhe më i shumtë.
