Publikohen pamjet e arrestimit të arrestimit të autorit të plagosjes së dyfishtë me thikë të ndodhur në një lokal në Kavajë, më 16 Shtator. Rizan Aliu u vu në pranga mbrëmjen e djeshme. 45-vjeçari akuzohet për veprat penale “Plagosja e rëndë me dashje” dhe “Mbajtja pa leje e armëve të ftohta”.
“Specialistët për Hetimin e Krimit në Komisariatin e Policisë Kavajë, menjëherë pas njoftimit se në Kavajë, në ambientet e një lokali po konfliktoheshin disa shtetas dhe për pasojë dy prej tyre ishin plagosur me mjet prerës (thikë), menjëherë kanë organizuar punën për dokumentimin e plotë të ngjarjes dhe kapjen a autorit. Nga shërbimet e Policisë Kavajë u bë e mundur kapja dhe vënia në pranga e autorit të dyshuar të ngjarjes, shtetasit Rizan Aliu, 45 vjeç, banues në Kavajë. Ky shtetas, më datë 16.09.2020, dyshohet se pas një konflikti të çastit për motive të dobëta, ka goditur me mjet prerës thikë shtetasin B. Ç. dhe pronarin e lokalit shtetasin M. A., i cili ka ndërhyrë për të parandaluar përshkallëzimin e mëtejshëm të konfliktit. Materialet do t’i kalojnë Prokurorisë së Rrethit Gjyqësor Kavajë, për veprime të mëtejshme”, njoftoi policia.
Lexo edhe:
Plagosja me thikë në Kavajë/ Pronari i lokalit: Ishte shokuese, shteti të vendosë drejtësi (VIDEO)
