Gjykata e Elbasanit ka vendosur masën “arrest me burg ” për 34-vjeçarin Erion Alibej i akuzuar nga prokuroria e Elbasanit si i përfshirë në vrasjen e Emiljano Ramazanit dhe Regis Runajt.
Gjykatësja Matilda Fetahu pasi ka këqyrur provat e paraqitura nga kryeprokurori i Elbasanit, Kreshnik Ajazi ka vendosur masën e sigurisë arrest me burg për Alibeaj, në përputhje me kërkesën e akuzës.
34-vjeçari akuzohet si organizatori dhe porositësi i dy vrasjeve të ndodhura më datë 20 korrik në qytetin e Elbasanit, në lagjen “28 Nëntori”, ku u vra me armë zjarri shtetasi Emiljano Ramazani dhe i vrasjes së ndodhur më datë 29.07.2020, në afërsi të varrezave të qytetit, ku mbeti i vrarë me armë të ftohtë shtetasi Regis Runaj.
Po ashtu, bëhet e ditur se po hetohet për përfshirjen e këtij shtetasi në ngjarje të tjera të rënda kriminale të ndodhura kohët e fundit në Elbasan.
