Gjykata e Krujës ka lënë pas hekurave 54-vjeçarin Edmond S., i cili akuzohet se ka ngacmuar seksualisht vajzën e tij dhe ka dhunuar bashkëshorten. Gjyqtarja Enkeleda Hoxha vendosi ndaj të akuzuarit masën e sigurisë “arrest me burg” deri në përfundim të hetimeve, në përputhje me kërkesën e prokurorit Florian Bonjaku.
Policia njoftoi arrestimin e 54-vjeçarit ditën e Shtunë.
“Specialistët për Hetimin e Krimeve në Komisariatin e Policisë Krujë, në vijim të punës për parandalimin e përshkallëzimit të dhunës në familje, arrestuan në flagrancë shtetasin: E. S., 54 vjeç, banues në Krujë, pasi, në banesë, ka ushtruar dhunë fizike dhe psikologjike ndaj bashkëshortes së tij, si dhe ka ngacmuar seksualisht vajzën e tij të mitur”, njoftoi policia.
