UEFA ka vendosur për ndarjen e grupeve para hedhjes së shortit për të përcaktuar çiftet e fazës “play off” në Ligën e Kampioneve dhe atë të Europës.
Në ndarjen që është bërë, Tirana ka shmangur një përballje me serbët e Crvena Zvezdës, por edhe me Dinamo Brest.
Megjithatë bardheblutë rrezikojnë dy kundërshtarë të frikshëm, siç janë zviceranët e Young Boys dhe kroatët e Dinamos së Zagrebit, me këto dy ekipe që ndodhen në vazon e favoritëve në grupin 1.
Gjithashtu për skuadrën e Egbo-së ka edhe shpresë, pasi shorti mund t’i rezervojë edhe një përballje me rivalë të kalueshëm në letër. Tirana mund të përballet edhe me njërën nga skuadrat fituese të çifteve:
1- Floriana (Maltë) vs Flora Talin (Estoni)
2- Kups (Finlandë) vs Suduva (Lituani)
3- Djugarden (Suedi) vs CFR Cluj ( Rumani)
Shorti hidhet në Nyon të Zvicrës duke filluar nga ora 14:00.
