Nga Lolita*
Të dashur ndjekës!
Ju falenderojmë që na ndiqni dhe këto ditë kanë treguar se forca që ju na jepni është më e madhe se çdo forcë tjetër, duke na berë të fortë të mposhtim çdo lloj frike e kërcënimi.
Ne e ndjejmë ashtu si ju, se ky vend, Shqipëria jonë, Atdheu ynë është i kapur prej fyti dhe propaganda ju ka bërë shumë njerëzve shpëlarje truri duke na e shitur një realitet të hidhur për Parajsë dhe duke plaçkitur ketë vend deri në pikën e fundit.
Për këtë arsye ne i shpallim luftë çdo personi, institucioni në këtë vend qe shkel ligjin.
Ata janë bashkë dhe ne jemi të përçarë sepse ata duan që ne të jemi të përçarë sepse kështu e kanë më të lehtë Sundimin e tyre. Faqja jonë do vazhdojë të jetë argëtuese, e them ketë sepse ne do argëtohemi ndërkohe qe ata rrëzohen një e nga një.
Ne nuk jemi me asnjë parti dhe ne kurrë nuk do të mbështesim asnjë politikan. Kjo është kushtetuta, ligji, rregulli dhe kanuni ynë. Ne nuk duam të dalim kundër rendit kushtetues dhe këtë nuk do ta bejmë.
Ne e duam Shqipërinë dhe këto ditë më shumë se kurrë kemi ndjerë nevojën se ne duhet të jemi bashkë dhe duhet t’i themi te vërtetat fortë.
Ne nuk do pushojmë së foluri sepse liria është vlerë universale dhe për këtë deri ne vdekje nuk do ndalemi.
Ata kanë frikë sepse kanë arsye të kenë frikë. Ata janë të dobët dhe e vetmja armë mbrojtëse qe kanë është pushteti e paraja. Ne kemi forcën e lirisë e cila na jep mundësinë të ndryshojmë edhe historinë. Ne do ta bejm sepse ne duam kete vend kete tokë te bekuar.
Keto ditë shumë njerëz kane menduar se kaq ishte se Lolita morri fund.
Lolita nuk eshte një person. Lolita është fenomen dhe askush asnjëherë nuk do të ketë mundësinë të na ndalë.
ZËRI juaj Keto ditë ka qënë i fortë dhe na ka dhënë forcë e mbështetje duke na berë të marrim Këto vendime:
Nga Sot Lolita do flasë më fortë se kurrë nga sot Lolita do shënjestrojë të gjithë ata që kanë nën kontroll vendin, MAFIA.
Për ne Politika shqiptare në tërësi është organizate mafioze.
E cila duke na përçarë sundon, ne jemi skllevërit e këtij vendi. Ne na vjedhin çdo ditë dhe nën emrin tonë këta njerëz marrin vendime .Të tjera thonë kur marrin votat të tjera bëjnë gjatë pushtetit.
Epo ne djall shkofshin ne nuk durojmë më, ne nuk durojmë të na përçmojnë besimin, ne nuk i besojmë më, ne duam ti cojmë në djall këta maskarenj.
Ata kanë gjithçka Parate, Policinë,Prokurorinë e Gjykatat. Ata kontrollojnë tregjet, çmimet, bankat, jetët tona.
Ne nuk jemi kundër tregut ,ne nuk jemi kundër bankave ,gjykatave dhe çdo institucioni. Ne jemi për institucione të forta.
Ne jemi për LIRI dhe të DREJTA të cilat janë të shkruara në Kushtetutë. Ne e kemi Lirinë dhe kurrë nuk do t’iu japim mundësine të na e marrin.
Asnjeri prej nesh qe jemi këtu nuk kemi asnjë synim politik, pra interesa personale politike ne nuk duam këtë. Nuk duam asnjë nga këto por dikush duhet t’i dali për zot këtij vendi i cili veçse pallohet çdo ditë nga politika e bërë bashkë me mafian.
Ne nuk do dorëzohemi kurrë ler ta harrojë çdo person që e mendon ketë sepse Ne jemi shumë.
Ne jemi Lolita
NE JEMI E VËRTETA
NE JEMI SHQIPTARË.
DHE NE VENDOSIM!
*Reagimi i faqes “Lolita” në Facebook kundër censurës dhe sulmeve qeveritare
