Kayne West ka publikuar disa video, ku shprehet se nuk është i kënaqur me industrinë e muzikës. Ditën e djeshme, reperi ka ndarë me ndjekësit disa video, ku shfaqej duke urinuar në një nga kupat e tij të çmimeve Grammy.
“Më besoni … Nuk do të ndaloj”, shkruajti West krahas videos.
Trust me … I WONT STOP pic.twitter.com/RmVkqrSa4F
— ye (@kanyewest) September 16, 2020
Gjatë ditëve të fundit, West ka shpërndarë disa postime që kritikojnë industrinë e muzikës, të cilës ai iu referua, së bashku me NBA, si “anije moderne e skllevërve”.
Ai gjithashtu shkroi në Twitter në lidhje me artistët që kanë nevojë të zotërojnë punën e tyre, duke vënë në dukje se “në botën e transmetimit, pronësia është gjithçka” dhe se është “pjesa më e madhe e të ardhurave”.
West më pas tha se ai është personi i vetëm që mund të flasë për këtë sepse ka bërë shumë miliarda jashtë muzikës dhe asnjë muzikant nuk bën miliarda me muzikën. Ai premtoi se “do ta ndryshojë këtë”.
Kanye foli edhe për kontratat e tij me Universal Music Group dhe tha se nuk ka një të tillë por 10, dhe se kjo kompani po përpiqet ta varrosë të gjallë.
Reperit, më pas iu bllokua llogaria për 12 orë, pasi pretendohet se ka publikuar informacione private.
