Shpërndarja e hapësirës së kultivimit të kanabisit duket se nuk ka më përzgjedhje. Kultivuesit nuk po pyesin më se ku po mbjellin drogë. Rasti më i fundit i zbuluar nga policia është në fshatin Qerek, pranë pistës në Rinas.
“Panorama” mëson se aty janë gjetur të mbjella dhe janë asgjësuar 950 bimë narkotike e llojit kanabis sativa.
Burimet thanë se po punohet për identifikimin dhe kapjen e autorëve të mbjelljes së kësaj sasie droge.
Mund të duket e çuditshme se si këto rrënjë janë zbuluar vetëm dje nga Policia, ndërkohë që në këtë zonë, kalojnë çdo ditë me qindra qytetarë, turistë por ka edhe punonjës policie që shërbejnë në aeroport.
