Duket se e ardhmja e Marash Kumbullës do të jetë te Roma.
Agjenti i mbrojtësit të kombëtares shqiptare ka zbarkuar në Romë dhe ka arritur marrëveshjen me klubin kryeqytetas, që ka fituar kështu derbin me Lazion për shtatlartin.
Një marrëveshje e mbyllur shumë shpejt, ndërkohë që Kumbulla do të nënshkruajë për pesë vite nga ku do të përfitojë 1.5 milionë euro në sezon. Mbrojtësi shqiptar pritet të kryejë sot vizitat mjekësore rreth orës 16:30 për të firmosur më pas kontratën. – raportojnë mediat italiane.
Mbrojtësi kalon te Roma në huazim, ndërkohë që verën e ardhshme Hellas Verona arkëton 30 milion euro nga transferimi i “xhevahirit” të tyre.
