Diskutimet mbi sistemin elektoral në kuadër të reformës zgjedhore gati kanë ‘bashkuar’ PS dhe PD. Ashtu si PS dhe PD janë shprehur kundër propozimet të LSI-së për “lista të hapura”.
Deputeti i PD, Arben Ristani thotë se kjo hap probleme dhe teknikisht pasi zgjedhësit do ta kenë të vështirë procesin e votimit.
Por, Ristani në një postim në Facebook në këtë diskutim hedh idenë për rikthimin e sistemit mazhoritar, sistem që u ndryshua në zgjedhjet e vitit 2009.
STATUSI I RISTANIT
Ka nje dikutim keto dite rreth votimit me “liste te hapur”, apo jo.
Se pari votimi me liste te hapur apo te mbyllur eshte variant i sistemit proporcional.
Se dyti nese perkrahesit e votimit me “liste te hapur” kane parasysh nevojen popullore per te shprehur direkt vullnetin per deputetin e deshiruar prej tyre dhe kufizimin e vullnetit te kryetareve te partive, athere pse te mos kthehemi tek sistemi mazhoritar?
Se treti eshte domosdoshmeri qe votimi te jete nje proces sa me i thjeshte per votuesin, dhe ketu kam nje pyetje per ata qe perkrahin sistemin proporcional me liste te hapur. A e dine dhe e kane parasysh se si teknikisht, realizohet ky lloj votimi?
