Violinisti i njohur Olen Cesari tregoi përpara një viti tek “Xing me Ermalin” se kishte disa kohë i fejuar por nuk dha më tepër detaje. Thjesht shtoi se edhe ajo është muzikante, dhe “ një super njeri” sic tha ai, duke treguar se dashuria gërshetohet dhe me një vlerësim të madh për vajzën që ka në krah.
Së fundmi, si rrallëherë ai ka postuar një foto me të në Instagram, me rastin e përvjetorit të njohjes.
“Pesë vjet me ty”, ka shkruar ai, dhe komentet vërshuan, mes të cilëve edhe ai i Inva Mulës që i bën një urim të mrekullueshëm violinistit të talentuar: “më të mirët e botës! Qofshi përherë të lumtur!”, ka shkruar sopranoja e madhe!
