Biznesmeni Elton Ilirjani, i përfolur në publik për prirjet e tij seksuale, ka qenë ditën e djeshme i ftuar në emisionin “Ftesë në 5” me Bieta Sulon, ku ka bërë disa deklarata vërtet të bujshme.
Ilirjani ka thënë se “pas dy vitesh mund të kthehet në një femër super seksi” dhe do konkurrojë të gjitha vajzat e showbizz-it shqiptar.
Ndërkohë biznesmeni gay ka treguar se ka bërë ndërhyrje tek buzët dhe i ka fryrë ato duke treguar me modesti se është tërheqës dhe ka luksin të jetë edhe femër edhe mashkull.
“Nuk kam bërë filler, vetëm tek buzët. E quaj luks të jem edhe mashkull, edhe femër. Nuk ka asgjë të keqe që ti kem të dyja. Më mirë të kesh më shumë, se sa më pak. Asnjëherë nuk i dihet, se mund të vij pas dy vitesh një femër super seksi, 1 e 80 e gjatë dhe mund t’i konkurrojë të gjitha gocat e showbizz-it aty dhe mund të jem më tërheqës. Sepse unë jam tërheqës në këtë mënyrë, jo më të ndërhyj me paratë dhe mundësitë që kam”.
Ai gjithashtu nuk ka nguruar që të ngacmojë publikisht këngëtarin Mozzik dhe të shprehë simpatinë ndaj tij, duke thënë se është king.
“Patjetër do të doja të bëja një bashkëpunim me Mozzik, sepse ai çun është më i vërteti aty dhe më vjen shumë keq që filluan e goditën. Përveçse është këngëtar shumë i mirë dhe të gjithë të plasin nga inati. Ka një zë të mirë, është stil amerikan në të kënduar, por është edhe mashkull i bukur. Është king, nuk është si meshkujt femra aty që më shajnë mua, janë më femra se unë. Ata vishen me ngjyra dhe mbathjet i kanë rozë. Mozzik është mashkull tamam për muzikën që bën. Në gjithë këtë verë, në fotot që pashë Mozzik më tërhoqi më shumë”, u shpreh Elton Ilirjani.
