Telashe të mëdha për klubin e Luftëtarit. Teksa sezonin e ri do të luaj sezonin në Kategorinë e Parë, gjirokastritët kanë 123 mijë euro borxh ndaj dy lojtarëve Ismael Dunga dhe Nemanja Janicic.
Nëse klubi bluzi nuk paguan shumën ose nuk gjen marrëveshje me lojtarët, atëherë FIFA ka urdhëruar që brenda një periudhe prej 45 ditësh Luftëtari të mos zhvillojë merkato në hyrje.
Dy ish-ët kanë fituar gjyqet dhe FIFA ka detyruar Luftëtarin që t’i paguajë Dungës diçka më shumë se 11 mijë euro për pagat e padhëna dhe 65 mijë euro për prishje të kontratës.
Vendimi mban datën e 25 shkurtit të këtij viti, ndërsa e njëjtë është situata edhe për mbrojtësin Janicic, që për pagat e prapambetura dhe prishjen e kontratës kërkon nga gjirokastritët diçka më shumë se 40 mijë euro.
Ende nuk dihet situata me dy lojtarët, ndërsa Luftëtari është zbrazur dhe elita nuk mundet të vijë me merkaton e bllokuar.
