Ka vijuar edhe mëngjesin e kësaj të premteje fluksi i qytetarëve shqiptarë në pritje për të kaluar drejt shtetit fqinj Greqisë, përmes pikës kufitare të Kapshticës.
Kuota prej 300 personash është plotësuar. “Njoftojmë të gjithë qytetarët që janë të interesuar të kalojnë në drejtim të shtetit grek, se aktualisht kuota prej 300 shtetas është plotësuar dhe nga ana e policisë greke është pezulluar puna e nuk do të lejohet kalimi i personave të tjerë për ditën e sotme. Policia Kufitare apelon për qytetarët që duan të udhëtojnë në drejtim të Greqisë, që të mos vijojnë udhëtimin në drejtim të PKK Kapshticë për ditën e sotme”, njoftoi policia.
Raportohet se me dhjetra emigrantë shqiptarë janë kthyer pas pasi policia iu thotë se nuk i kanë formularët online në rregull. Sipas autoriteteve, qytetarët i kanë lejet e udhëtimit fotokopje dhe jo me barcode nga agjensitë.
Tre ditët e fundit, ka radhë udhëtarësh në Kapshticë për pritje për të kaluar doganën.
