Ministrja e Shëndetësisë Ogerta Manastirliu, ka njoftuar sot se 62 pacientë janë shëruar nga koronavirusi.
Lajmin ministrja e Shëndetësisë e ka dhënë përmes rrjeteve sociale.
“Gjatë 24 orëve të fundit, 62 qytetarë e kanë fituar betejën me virusin e rrezikshëm!”, shkruan Manastirliu teksa ka postuar edhe një foto të mjekut infeksionist Tritan Kalo.
Gjatë ditëve të fundit numri i pacientëve të shëruar ka qenë 2-3 herë më pak se numri i pacientëve të infektuar, edhe pse për disa ditë u vu re një tendencë që numri i të shëruarve ishte më i lartë se shifrat e përditësuara mbi përhapjen e virusit.
