Rrëzikojnë nga përmbytja që mund të shkaktojë lumi Shkumbin, por deri tani nuk kanë gjetur asnjë përkrahje për të ndërtuar argjinaturën që do të ndalonte një katastrofë. Banorët e fshatit Kalush në Rrogozhinë shprehen të indinjuar për faktin se janë lënë shumë pas dore dhe askush nuk është kujtuar për të ndërtuar argjinaturën.
Në prag të stinës së reshjeve banorët janë shprehur për Fax News se i tremben vërshimit të lumit, i cili edhe më parë kur ka dalë nga shtrati ka dëmtuar shumë prodhimet bujqësore. Fshati Kalush është më i prekuri nga përmbytjet. Ky fshat sipas banorëve dikur përmbytej një herë në 20 vjet, ndërsa tani dy herë në vit.
