Fuqitë botërore duhet të bashkohen dhe të përgatisin ekonomitë e tyre për një të ardhme të “gjelbër” ose njerëzimi është i “dënuar” të marrë fund, ka paralajmëruar shefi i KB Antonio Guterres, duke theksuar se dështimi për të kontrolluar pandeminë e koronavirusit ilustron rrezikun e përçarjes.
Guterres ka bërë thirrje që të gjitha vendet ta përdorin pandeminë si një trampolinë për të marrë “masa transformuese” në energji, transport, industri dhe në mënyrën se si jetojnë njerëzit.
Unë mendoj se dështimi që u tregua në aftësinë për të parandaluar përhapjen e virusit, nga fakti që nuk kishte koordinim të mjaftueshëm ndërkombëtar në mënyrën e luftimit të tij, duhet t’i bëjë vendet të kuptojnë se ata duhet të ndryshojnë, tha ai për AFP. Shefi i KB theksoi problemin e ndotjes dhe u bëri thirrje kombeve që t’i japin fund subvencioneve të karburanteve fosile, të fillojnë investime masive në burimet e ripërtëritshme dhe të angazhohen për “neutralitetin e karbonit” deri në vitn 2050.“Ose qëndrojmë të bashkuar, ose jemi të marrë fund,” tha ai.
