Presidenti bjellorus, Aleksander Lukashenko pranoi se ndoshta kishte ndenjur shumë kohë në postin e kreut të shtetit, por gjithashtu mendon se është i vetmi për momentin që mund të mbrojë popullin bjellorus, sipas televizionit shtetëror rus.
“Po, mbase kam qëndruar shumë kohë në pushtet, ndoshta fytyra ime shfaqet jo vetëm në televizion, por edhe te hekurat për hekurosje apo te çajnikët”, theksoi ai duke përdorur një shprehje ruse për të përshkruar dikë që shfaqet kudo.
“Por, për momentin, jam vetëm unë personi që mund të mbroj bjellorusët”, shtoi ai.
Lukashenko nuk përjashtoi mundësinë e zgjedhjeve të parakohshme presidenciale, pas një reforme të paspecifikuar ende kushtetuese.
”Ne jemi gati për një reformë kushtetuese, pas së cilës nuk përjashtoj zgjedhjet e parakohshme presidenciale”, deklaroi Lukashenko.
