Pas përjashtimit nga “US Open”, organizatorët e turneut i kanë vendosur, Djokoviçit dhe një gjobë të majme prej 267 mijë dollarësh.
Numri i një i botës në tenis u skualifikua një ditë më parë nga raundi i katërt i këtij kompeticioni ndërsa ndeshej me spanjollin Pablo Carreno Busta, pasi aksidentalisht goditi me topin e tenisit një prej gjyqtarëve të takimit.
Menjëherë pas kësaj ngjarje Djokoviç kërkoi falje për ngjarjen dhe për lëndimin që i kishte shkaktuar gjyqtares së takimit.
“Sa i përket skualifikimit, duhet të punoj në zhgënjimin tim dhe ta kthej atë në një mësim për rritjen time si lojtar dhe si qenie njerëzore”, tha Djokoviç.
