Policia italiane ka zbuluar një laborator kokaine në një zonë të Frozinones, ku ka arrestuar 7 persona dhe ka sekuestruar 11 kg kokainë të përzierë.
Siç raportojnë mediat italiane mëngjesin e djeshëm, 6 italianë dhe një 29-vjeçar shqiptar me iniciale M.E., që jeton prej kohësh në Itali, janë arrestuar e më pas janë dërguar në burgun e Frosinone-s.
Ndaj tyre ishte lëshuara masa e arrestit me burg nga gjykata e Frosinone-s me kërkesë të prokurorisë.
Hetimet kanë nisur në fillim të tetorit të vitit 2014 dhe deri në mars të vitit 2015 janë mbledhur prova kundër 7 personave të arrestuar. Ata akuzohen për bashkëpunim në trafik droge, përpunim dhe posedim të lëndëve narkotike me qëllim trafikimin.
