Manchester City ka konfirmuar se testet e Riyad Mahrez dhe Aymeric Laportes tregojnë se janë bartës së coronavirusit.
Ky lajm i keq vjen vetëm pesë ditë para nisjes së sezonit të ri të Premier League.
Sikurse e kërkon protokolli, të dy lojtarët do t’i nënshtrohen një periudhe vetizolimi. Klubi anglez konfirmoi gjithashtu se asnjëri nga lojtarët nuk po tregon ndonjë simptomë të virusit.
Premier League rinis këtë të shtunë, teksa skuadra e Pep Guardiolës udhëton në “Molineux”, për t’u ndeshur me Wolves për hapjen e sezonit më 21 shtator, por pas infektimit me COVID-19 të dy lojtarëve të “Qytetarëve”, gjithçka është në dyshim.
