Charles Leclerc ishte protagonist i një aksidenti të fortë në garën e Monza, ku makina Ferrari doli jashtë piste dhe u përplas me një shpejtësi 200km/orë. Për fat asnjë pasojë për pilotin, që sqaron: “Ndoshta kërkova më shumë nga makina, por di që u përpoqa të jap maksimumin në pistë”.
“Makina ishte e vështirë për t’u pilotuar, por edhe unë bëra një gabim. Kaluam dy fundjava të vështira, në Spa dhe Monza, që duhen harruar sa më shpejt. Ky është një moment i keq për Ferrarin, por duhet punuar dhe rikuperuar sa më shpejt. kam 3-4 ditë për të rikuperuar fizikisht për garën e radhës”, tha Leclerc.
