Turqia ka paralajmëruar Francën t`i japë fund qëndrimit provokues dhe kolonialist, në Mesdheun Lindor i cili është bërë burimi kryesor të tensioneve mes Greqisë dhe Turqisë. “ Kush po i nxit grekët kundër turqve? Franca.
Por ka një axhendë tjetër. Kur u shembën planet e saj për të krijuar një shtet terrori në Siri, mori një qëndrim të pafytyrë kundër Turqisë. A mos vallë duhet t`i kërkoj leje Francës teksa po zhvilloj një luftë kundër terrorizmit? ” u shpreh ministri i Jashtëm turk, Mevlüt Çavuşoğlu i cili iu referua takimeve të presidentit Francez Emmanuel Macron me përfaqësuesit e YPG-së kurde.
Ankaraja e konsideron grup terrorist YPG-në, milicinë kurde që vepron kryesisht në Siri. Në muajin qershor, një zyrtar francez doli me pretendimin se marina turke kishte shqetësuar një luftanije franceze që po merrte pjesë në misionin e NATO-s në Mesdhe.
Ankaraja pretendon se e dëshmoi me video dhe pamje të marra nga radari se anijet e saj nuk ishin përfshirë në akvititete të tilla në detin Mesdhe.
