Testi që bëhet për të zbuluar koronavirusin, është një proces shumë delikat. Shumica e njerëzve janë të infektuar për vetëm një javë, por nëse ata testohen vazhdimisht edhe në javët e tjera, do të rezultojnë pozitivë. Sipas studiuesve kjo mund të çojë në një vlerësim jo të saktë, duke e rritur shkallën aktuale të pandemisë.
Ndërsa ekspertë të tjerë pretendojnë se nuk ka asnjë siguri të plotë se testi është besueshëm dhe kjo ka sjellë edhe shumë raste të paidentifikuara, informon dritare.net.
Carl Heneghan, një nga autorët e studimit, sugjeron se në vend të një “Po/Jo” , testet duhet të zbulojnë edhe sa është sasia e virusit në trup.
Ndërsa Universiteti i Oxfordit për Mjekësi po studion edhe testet. Ata kanë marrë mostrat e virusit nga testet pozitive, për të kuptuar nëse është marrë një virus aktiv apo pjesë të vdekura të virusi që nuk riprodhohen.
Testi i Covid
Pse shifrat aktuale të infektimeve me koronavirus, mund të jenë
Testi më i përdorur për të zbuluar një person nëse është i infektuar me Covid-19, është testi i shtupës PCR, që përdor kimikate për të marrë materialin gjenetik të virusit, në mënyrë që të studiohet më pas.
Mostra e testit kalon nëpër një numër të lartë ciklesh në laborator dhe vetëm disa prej tyre mund të tregojnë se sa virus ekziston në trup, informon dritare.net.
Kur bën një test për Covid-19, merr një përgjigje “Po ose Jo”, por nuk ka asnjë tregues se sa virus ishte në mostër apo a ishte ai aktiv.
Një person që ka në mostër virus aktiv dhe një tjetër që ka fragmente të vdekura të virusit, marrin të dy përgjigje të njëjtë, pra janë pozitivë me koronavirus. Kjo është një mangësi e procesit, informon drtiare.net, por mjekët e kanë të pamundur të kontrollojnë çdo test me detaje dhe nëse do të ishte e mundur, kjo do t’i jepte një saktësi në vlerësimin e shkallës aktuale të pandemisë.
